طفلي الداخلي

الاول كان ليا جيران عزلوا من فتره كان عندهم طفل صغير اسمه محمد كان شقي بدرجه كبيره جدا واحيانا كتيره كان شقوته دي بضايقني وفي مره سألت عنهم عن اخبارهم واحوالهم وسألت بالتحديد عن محمد وعرفت عنه اخبار مش كويسه واضايقت جدا وزعلت عشانه وحلمت بيه انه لسه موجود ساكن معايا في العماره وانا بسلم عليه لقيته حد تاني غير محمد اللي انا عارفه حد حزين مهموم وسألته مالك مضايق من ايه زعلان ليه بصلي وسكت حبيت اطبطب عليه رفض بعنف ,وصحيت خايف مش عارف ليه استرجعت الحلم وحاولت فتره افسره معرفتش لحد لما فجأه حسيت ان محمد ده هو طفلي الداخلي هو انا مش حد تاني انا انا الحزين المهموم الزعلان الصامت,وسألت طفلي الدخلي زعلان ليه وزعلان مني انا ليه انا انت مش حد تاني جاوبني احكيلي مترفضنيش متفصلنيش عنك ,اتكلم قولي عشان اساعدك او بمعني اصح انت اللي تساعدني .قول كل حاجه خرج اللي جواك طلعه بره انت كده بتتعبني انا انا اللي بتألم انا وانت بنتألم بس انا اكتر انت ساكت رفض تتكلم بس لازم تتكلم ,ارجوك ساعدني