القدس

يا كلمتي لفي ولفي الدنيا طولها وعرضها

وفتحي عيون البشر للي حصل علي ارضها

علي ارضها طبع المسيح قدمه...علي ارضها نزف المسيح ألمه

في القدس في طريق الآلام...وفي الخليل رنت تراتيل الكنايس

في الخلا صبح الوجود انجيل

تفضل تضيع فيك الحقوق..لامتي لامتي يا طريق الآلام

وينطفي النور في الضمير..وتنطفي نجوم السلام

ولامتي فيك يمشي جريح..ولامتي فيك يفضل يصيح

مسيح ورا مسيح..ورا مسيح علي ارضها

تاج الشوك فوق جبينه..وفوق كتفه الصليب

دلوقت يا قدس ابنك..زي المسيح غريب غريب

تاج الشوك فوق جبينه..وفوق كتفه الصليب

خانوه نفس اليهود

ابنك يا قدس زي المسيح لازم يعود..علي ارضها

غناء..عبدالحليم حافظ

كلمات..عبدالرحمن الابنودي

ألحان..بليغ حمدي