مش عارف ابتدي او اقول ايه بس هكتب اللي يجيي علي بالي علطول
انا في اللحظه دي بالذات شايف نفسي مختلف عن محمود بتاع زمان شايف حد عنده مقدار من القوه والحب والاحترام والثقه بالنفس والتحدي ومواجهه الحياه بكل ما فيها من قسوه اخيراااااا طلعت من القوقعه اللي كنت فيها
من سنه و6 شهور انضميت للجروب وقتها كنت خايف .خايف من نفسي لاني مش واثق اني ممكن اخرج من السجن اللي كنت فيه بس مع مرور الوقت والجو الصحي اللي عشت فيه ابتديت احس بنفسي بوجودي بين البشر واني موجود مش مجرد خيال الكل بيدوس عليه
ابتديت اركز علي الاعتماديه وده كانت غلط لان الشفا من الاعتماديه هو النضج .وده لقيته في الجروب لقيت ان ليا حقوق وعليا واجبات احترم اللي قدامي وهو يحترمني .يكون فيه حدود صحيه مع اللي قدامي كل ده اتعلمته من الجروب وابتديت اطبقه علي حياتي عموما
حسيت وقتها اني مش بفكر في الاعتماديه او العلاقات الاعتماديه المثليه المثاليه اللي كنت بدور عليها
الخوف اللي جوايا تدريجيا ابتدي يروح يبعد بعيد منكرش اني لسه فيه خوف بس مش زي الاول
امبارح في الجروب كان احتفالي بمرور سنه علي التبطيل وكان كل اللي ساعدوني موجودين معايا وبعضهم كان غايب والدكتوره نانيس كمان جتلي تحتفل معايا لاول مره احس بأهميه حاجه انا عملتها لنفسي .حاجه كبيره لمحمود طول عمري بحاول اساعد اي حد علي حساب نفسي بس اتعلمت احب واتحب بحدود صحيه
اتكلمت عن نفسي ازاي اني اتغيرت من حاجات كتيره كانت مسيطره عليا وان فيه في الدنيا ناس تساعدك من غير مقابل ناس بتحبك بجد وحابب اقولهم حاجه
(r)وجودك جنبي فرق معايا كتير من زمان كنت بدور علي صديق وده لقيته فيك ولقيت انك بتساعدني كتييير جدااااا ويمكن انت اللي شجعتني اني اتغير لما لقيتك انت كمان بتعمل ده انا بحبك وبحترمك جداااااا
(مجاهد)انت كمان وجودك معايا مهم جدا يمكن انت اكتر حد بتفهمني بتفهم كلامي وجودك في الجروب ساعدني كتيير جدا
(كنت مثليه والان مشفيه)انا بحبك جدا لانك حد كويس جدا ولذيذه وطيبه وعندك نقاء مش موجود عند كتيير واهم حاجه انك بتحسي بيا اوي اوي وده مهم جدا
(مثليه في طريق التعافي)انتي كمان فرقتي معايا جامد جدا يمكن اكتر حد بحبه وبقدره كتير واحنا لسه مكملين الطريق مع بعض ان شاء الله
(د.نانيس)من قبل ما انضم للجروب وكان فيه قبول غير مشروط منك اتجاهي وده فهمته لما دخلت الجروب وقوفك جنبي ساعدني كتير احساسك بألامي كان بيفرق معايا لغه الحوار المتبادله وتصميمك اني اخد قراري بنفسي كان اول خطوه بأحساسي بنفسي
(د.اوسم)دورك الذكوري في حياتي خلاني اكمل الطريق لان طول عمري كنت بدور علي ذكر اتمثل بيه او اقلده ولقيت ده فيك اتعملت منك حاجات كتييره جدا واهمها النضج في تصرفات كتييره مع اختلافنا في الرأي احيانا بس انت علمتني المواجهه
(h)نقاءك هو كمان ساعدني كتير وخلاني اتعلم ده منك
(k)انت كمان وقوفك جنبي من زمان ساعدني كتيير في اوقات في حياتي كانت صعبه
(r)حنيتك وطيبتك واحساسك بيا فرق معايا انت حد طيب اوي وأب يا بخت اولاك بيك انا فخور بمعرفتي بيك وبوجدك جنبي
واخيرا الباقي كان ليهم دور في تعافيي شكرا بجد ليكم وجودكم معايا فرق كتيير
نسيت اشكر اصدقائي الغييرين اللي تقبلوني بعد ما عرفوا عني معاناتي مع المثليه ده كمان فرق معايا يمكن بعد العلاج قولت لصديق ليا وتقبلني واسلوبه معايا مفرقش عن الاول والتاني كنت قولتله من فتره كبيره جدااااااااااا بس نسيت اني كنت قولتله ووقتها برضه تقبلني
انا شايف ان الاغنيه دي مناسبه ومعبره
************
مديلى ايدك سلم عرفنى بنفسك بقى واتكلم
سيب فى الدنيا علامة تعلم افتكرك بيها
فى ناس نقابلها تعدى وفى ناس بتطول السما وتعدي
وتلاقى اللى واخدها تحدى ده الاول فيها
عايزة الدنيا اللى يضحكلها والله ماتيجى غير بكده شكلها
افتح لها قلبك حبها وانت اللى هتفرح بيها
افتح قلبك افرح افتح قلبك افرح
اوعى تعيشها مقصر ولا تزعل ثانية وتتاثر
متخدهاش على قلبك قصر يابنى وقوم بينا
اصحى وشغل عقلك لا تيأس ايه ده بيتهيالك
لو محتاجلى فى حاجة انا جمبك ده احنا لبعضينا
عايزة الدنيا اللى يضحك لها والله ماتيجى غير بكده شكلها
افتحلها قلبك حبها وانت اللى هتفرح بيها
هناك 17 تعليقًا:
أنا فرحان لتقدمك واجتيازك السنه الأولى بنجاح واتمنى أدخل سنه أولى نضج زيك ....
موفق يا أخي وان شاء الله أشوفك
بأعلى المراكز
انا بهنيك على تقدمك جدااااااا من قلبى ومبروك على السنه دى
اقولك ايه كل سنه وانت طيب :)
عقبال عمرك كله يارب
ونفسى اوصل للى انت وصلتلو بس اعتقد انه صعب اووووووووووووووى بس كل شئ جايز احنا فى زمن المعجزات:)
واشكرك عشان انت شايف انى سعدتك ولو بجزء صغير اوى بس ده شئ يسعدنى
بتوفيك ياصديقى
واتمنالك الاستمرار
سلام
optimismray
شكرا علي اهتمامك وان شاء الله تكون في طريق النضج ونكون كلنا سوا في طريق التعافي
مثليه في طريق التعافي
اكتر واحد كان ممكن يتكلم عن ان طريق التعافي صعب اوووووووووي هو انا لاني انا جاي من تحت خالص يمكن كنت من الناس المتصالحين مع نفسهم لما كنت بكون في علاقه اعتماديه بس بمرور الوقت وبمساعدتكوا ابتديت اخرج وبيكوا ومعاكوا ومعاكي هنخرج ان شاء الله
الطريق صعب بس الامل يبقي دائما طالما الرفقه صالحه
انا R الثانى
انا فرحان لك جدا و فخور بيك و عاوز اقول لك انك مثال يحتذى بية و ان كان ليك يد كبير فى رحلتى انا كمان فانا متشكر ليك على الهامى و تشجيعى و عبال ما نبارك لك على العروسة
rالتاني
بالعكس وجودك جنبي علمني حاجات كتييره جدا وحسسني بالاطمئنان في اوقات كنت بحتاج فيها حد يكون جنبي وكنت بلاقيك فشكرا ليك انت
السلام عليك يامحمود
انا سعيد ان يكون ليه دور فى تعافيك وان كنت بساندك زى ما بتساندنى..
الف مبروك على هذا الكبران
:)
على فكره مش مجامله
انا فعلا لمست نضوجك فى موقف وهحكيلك عليه لما اشوفك بس متوقع انك ممكن تستنتجه
:)
يارب هالسنه تكون فى تقدم وتحقق اللى انت عاوزه..
وانت كتير ساعدتنى فى التعافى وربنا يديم بينا المعروف
وقوفنا جنب بعض هو اللي بيساعدنا عالنضوج زي ما الدكتور بيقول.وان شاء الله قريبا اهنيك انا كمان بالسنه بتاعتك
محمود .. كل سنة و انت فى نضوج مستمر.مشوارك مشجعنى و مدينى امل فى بكره. كان نفسى اكون معاك فى احتفالك بس البوست الاخير خلانى احس انى معاك.
انا كمان بحبك اوى انت عارف انت قريب من قلبى جداً لانى شبهك فى حاجات كتيرة.
انشاءالله هانحتفل مع بعض بمرور سنة و اتنين و عشرة و نفتخر بالمشواير اللى مشيناها.
ان شاء الله وزي دايما ما بقول الامل يبقي دائما طالما الرفقه صالحه.تحياتي
أحم أحم أحم
===========
مبرووووووووووووك الكحلي يا معلم
أنا كمان أخدتها :]
كانت فرحتي بيها كبييييييييييرة :)
أنا متعبتش في طريق التعافي أكتر مما تعبت في اني أعد الفتره اللي فضله ليا على ما السنة تفوت
ههههههه
اخر مزهقت قولت هحسبة من عيد ميلادي اللي قبل اللي فات .. وفعلاً لما جيه عيد ميلادي .. كانت هديتي اني افتكرت ان كده بقت سنة ههههه :)
أنا فرحان لك قوي يا محمود .. وعايز اقولك انك كنت ناضج من فترة طويلة جداً ولما كنت بشوفك بشوف بجد راجل يعتمد عليه
حتي في تهريجك ... بتعرف تضحكني .... علشان مافيش حد يفهم غلط ويحاول يوقع في الكلام انا مقصدش انهك بهلوان ولا حاجة .. لا
انا اقصد انك انسان خفيف الظل.ههه
طب سلام بقى علشان شكلي هعك هههه
اخوك
لؤلؤ
يا باشا قول اللي انت عاوزه ومحدش يقدر يقول حاجه لانك حد كويس جدااااااااا ومن الناس القليله اللي بعرف اتكلم معاهم ويفهموا دايما وجهه نظري.تحياتي يا معلم
باسم الله ما شاء الله
ربنا يكرمك يا أخى ويثبتك
بجد أثلجت صدرى
ربنا يوفقك يارب
ودايما يارب فى ازدياد
باسم الله ما شاء الله
ربنا يكرمك يارب ودايما كدا فى زيادة
سبحان الله
بجد فتحتوا قلبى من جديد
وحسستونى إن الدنيا فيها خير كثير ما كنتش واخد بالى منه
معقولة فيه كدا
ما شاء الله
أتمنى إنك تقبل مرورى
وتحياتى ودعواتى إلك بالثبات والنجاح والسعادة دايما يارب إن شاء الله
شكرا مرورك علي المدونه وتحياتي وشاكر علي اهتمامك
حاجة جميلة و مشجعة قوي اني اشوف الانجاز و السعادة اللي الناس اللي سبقوني في مسيرة التعافي وصلوا ليها
بجد انا مبسوط قوي بكل الناس اللي حققت الانجازات دي و باتمنى ربنا يوفقني و اقدر احقق جزء من الانجازات دي - انا لسة جديد قوي في المسيرة
ربنا يثبتك في مسيرة التعافي انت و كل الناس اللي ماشية في طريق التعافي
باحث عن التعافي
شاكر ليك مروك وتعليقك وان شاء الله تكون معايا ومعانا في طريق التعافي لاننا بنور الطريق لبعض .تحياتي
إرسال تعليق