من الصعب انسي اخطائي.من الصعب اعيش انا بيها
مينفعش لاني غلطان.وانسي الدنيا وبلاويها
كل حاجه عملتها. فاكرها مش ناسيها
من صغري ولما كبرت .متعودتش عالنصيحه
يمكن اكون بتحصر عالسنين اللي ضاعت من عمري
يمكن اكون ساعات بكبر ولا بيهمني حلم عمري
مش مهم اللي فات .هفتح صفحه من كتابي
تكون صفحه جديده نضيفه وهنسي فيها كل الآمي
ياما دعيت ربي انه يوفقني في حياتي
ويارب يكون اليوم اللي اغير فيه صفاتي
احسن شيئ في الدنيا اني اكون راضي عن نفسي
تعبت من كتر يأسي.دلوقتي جه وقتي
------------------------------
كل يوم في عمري
بيعدي عليا.بحاول ابعد عني كل الاخطاء اللي فيا
بحاول اني اتعلم من كل اللي حصلي
بحاول ابعد عن نفسي اي حاجه تحطمني
نفسي يصحي الامل فيا واعيش حياه طبيعيه
نفسي انسي كل اللي حصلي واعيش في الدنيا ديا
الحياه دايما وخدانا وضميرنا معذبانا
لازم نفوسنا تقوم شويه تنفي عننا الاهانه
ايوه كلنا غلطنا وانكتم جوانا صوتنا
سكتنا كتير علي الغلط بس في الاخر عرفنا
لازم نتغير شويه نفوق لايامنا الجايه
نشوف احلامنا ومستقبلنا تكون قدامنا صوره حيه
بعد طول غياب ممكن ترجع امانينا
يا تري لسه فاكرنها ولاخلاص نسينا
لكن من الممكن نرجع ده الشيطان فينا بيخدع
وبيتحرق في ثانيه لما الكلام ربك بيسمع
كلنا عارفين غلطنا وعرفنا احباطتنا
اللي جايه من ظروفنا من خوفنا من صراعتنا
احلام متحققتش نفوس مرتحتش ظروف متغيرتش فالناس محلمتش
عمرها حست يوم بالامل معتقدتش
الحزن والهموم غيرهم محستش معشتش مشفتش
غير بس التشاؤم خلاص اتشالت من القاموس كلمه التفاؤل
مع انك ممكن تعيش حياتك وتلونها حياتنا صعبه
بس اللون الابيض بيجملها
ظروفك واستحملها طموحاتك وكملها حياتك واتأملها
بدل ما انت خايف منها
احلامك وحولها لهدف تسعي اليه
بلاش يأس من اولها هتاخد من اليأس ايه
غمض عينك شوف حلمك وكأنك عايش فيه
اكيد شايفه انه يستاهل انك تروح عليه
----------------------
غناء:هود بويز بند
هناك 5 تعليقات:
يارب كلنا محتاجينلك في اي وقت محتاجينلك ... واحنا أقوي أو وأحنا أضعف لكن
من الممكن نرجع ده الشيطان فينا بيخدع
وبيتحرق في ثانيه لما الكلام ربك بيسمع
كلنا عارفين غلطنا وعرفنا احباطتنا
قبول النفس هو خطوه لقبول التغيير فلولا قبول المريض كزنه مريضا و هو في حاجه للعلاج لكان من المستحيل ان يتم علاجه او ذهابه لمن سيعالجه
صديقي
سعيدة بقراءة افكارك \لك التواصل الفكري كان اكثر من رائع
وزيارتك انارت صفحتي
دمت بكل خير وسعادة يارب
الحقيقة أغنيه معبره جدا
بعد ما قريتها حسييت إنى باشوف مشوار
حياه يعنى بالمعنى الاصح
أخطاء فى حياتنا بتتوجد سواء كان لينا يد فيها او لا هنواجها ولا نتركها تعكر صفو حياتنا
وربنا يديم علينا ديما بنعمة الامل والمثابره ويجنبنا اليأس
بس اوعى تتحسر على الماضي لاننا لانملك ماضينا ولكن نملك كل حاضرنا والاعداد لمستقبلنا ربنا معانا كلنا
إرسال تعليق